Целта за правење околу 7.000 чекори дневно е остварлива за многумина, но таа обезбедува бројни здравствени придобивки. Ова го покажа истражувањето на тимот предводен од епидемиологот за физичка активност на Универзитетот во Европа во Мадрид, Борха дел Поцо Круз.

За да разберат како одењето може да влијае на низа здравствени состојби, Дел Позо Круз и неговиот тим анализирале податоци од 57 студии кои ја испитувале врската помеѓу бројот на чекори што се прават дневно и различните здравствени исходи. Во споредба со луѓето кои правеле само 2.000 чекори дневно, оние кои правеле 7.000 имале намалување од 47 отсто во ризикот од смрт од која било причина во рок од неколку години, објави тимот на 23 јули во „Лансет паблик хелт“ .

Повеќе чекори дневно биле поврзани со помал ризик од смрт од сите причини во даден временски период. Коефициентот на опасност го претставува релативното зголемување на ризикот од смрт во споредба со почетната вредност од 2.000 чекори дневно.

Достигнувањето на целта од 7.000 чекори било поврзано и со 25 отсто помал ризик од кардиоваскуларни заболувања, 37 отсто помал ризик од смрт од рак и 38 отсто помал ризик од деменција. Дури и мало зголемување на бројот на чекори дневно намалил некои од здравствените ризици. Одењето од 4.000 чекори дневно било поврзано со 36 отсто помал ризик од смрт од сите причини, во споредба со 2.000 чекори.

Иако наодите од студијата сугерираат дека поголем број чекори е поврзан со намалени здравствени ризици, сепак постојат некои ограничувања. Поголеми, долгорочни студии би можеле да ги поткрепат заклучоците, рекол Дел Поцо Круз. Новата студија не зела предвид како други фактори, како што се возраста, начинот на живот или постојните здравствени состојби, можат да влијаат на препорачаниот број чекори.

Сепак, експертите покажале дека дури и малите промени во физичката активност можат да го подобрат целокупното здравје.

– Секој чекор е важен. Не мора да достигнете 10.000 чекори за да видите подобрувања – само движењето повеќе секој ден, дури и од многу ниска почетна вредност, може да го намали ризикот од сериозни здравствени проблеми – рекол Дел Позо Круз.