Полицијата соопшти дека е уапсен 61-годишниот насилник кој пред два дена крвнички претепа куче, а снимката од инцидентот ја згрози јавноста. Тој ќе одговара за мачење животни, кривично дело за кое е предвидена парична казна или затвор до шест месеци, велат од МВР.

„Полициски службеници од СВР Скопје го лишија од слобода Љ.К.(61) од Скопје, постапувајќи по претходна пријава од граѓанин на 19.11.2024 во 09 часот дека во Момин Поток-индустриска зона Љ.К. со тврд предмет нападнал куче и му нанел повреди. Со Љ.К. е извршен службен разговор и по целосно документирање на случајот ќе биде поднесена кривична пријава поради постоење основи на сомнение за сторено кривично дело „мачење животни“ по чл. 233 од КЗ на РСМ“, пишува во полициското соопштение.

ВОЗНЕМИРУВАЧКО ВИДЕО | Вработен во фирма во „Момин Поток“ крвнички тепа куче