29-годишен тетовчанец е уапсен синоќа откако бил пријавен дека заедно со уште неколкумина напаѓачи, му се заканувале на 73-годишен сограѓанин, а кога тој се обидел да избега, паднал и тешко се повредил, соопшти полицијата.

„На 03.11.2025 во 23:45 часот на ул.„29 Ноември“ во Тетово, полициски службеници од СВР Тетово го лишија од слобода Н.К.(29) од Тетово, постапувајќи по претходна пријава дека околу 21:30 часот во населба „Деребој“ во Тетово заедно уште неколку лица со тврди предмети се заканувале на К.Ц.(73) од Тетово, кој се обидел да им побегне при што паднал и се здобил со тешки телесни повреди, констатирани во Клиничка болница Тетово. Н.К. е задржан во полициска станица и се работи на идентификување на другите лица, по што, по документирање на случајот против нив ќе следува соодветна пријава“, велат од МВР.