Построгите мерки против пандемијата и се поретките посети на фризер ги „диктираат“ новите трендови. Не е изненадување што фризурата за која велат дека ќе биде хит во 2021 година е многу лесна за одржување, а исто така одговара на секој облик на лице.

Лежерната боб – фризура ќе се носи и следната година, велат фризерите, но нешто поразлично од класичниот боб збогатен со шишки. Оваа фризура е посебна затоа што одговара на секој облик на лице и можете да ја модифицирате да биде поостра, неформална или класична

Покрај тоа што ќе можете да си поиграте со должината на боб – фризурата ќе можете и да си играте со формата и густината на шишките.

„Најверојатно ќе носиме заштитни маски и во 2021 година, така што многу клиенти најчесто се одлучуваат за шишки кои се лесни за одржување“, изјави за „WhoWhatWear“ стилистката Амбер Свифт.

Таа додаде дека шишките се попопуларни во зима, бидејќи полесно се одржуваат во постудените месеци, бидејќи високите температури можат да бидат проблем при нивното стилизирање.

Покрај тоа, Свифт препорачува малку порелаксирана верзија на шишките на една боб фризура, бидејќи, како што вели, честите посети на фризерскиот салон не се опција во овој период.

Стилистот Џорџ Нортвуд вели дека несовршената, лелеавата боб – фризура ќе биде уште поголем хит веќе од 2021 година

„Поради сегашната состојба со коронавирусот и мислам дека клиентите сè повеќе бараат фризури кои се лесни за одржување. Многумина веќе бараа несовршен боб, што е мој заштитен знак. Мислам дека таквата фризура ќе биде популарна и во 2021 година, неуредна, опуштена и многу шик, без многу напор“, вели таа.

Фризерката Никол Пемброк за „WhoWhatWear“ исто така изјави дека побарувачката за пократки фризури расте, со акцент на природната текстура на косата, како и опуштениот изглед кој е безвременски, елегантен и лесен за одржување.  Затоа популарниот остар и строг боб преминува во една опуштена, лелеава варијанта.

Преземено од Еспресо.мк