Македонската кошаркарска сениорска репрезентација ја оствари и втората победа во претквалификациите за пласман на Светското првенство против Швајцарија во СЦ „Јане Сандански“ – Скопје со резултат 67:61.

На тој начин избраниците на селекторот Драган Бајиќ им се реваншираа на Швајцарците за стартниот пораз од 67:62.

Воедно со овој триумф Македонија се најде на чекор од главните квалификации за учество на следниот Мундобаскет во 2023 година.

Најефикасни во денешната победа во нашата селекција беа Мекиќ со 16 поени, а еден помалку запиша Трајковски.

По три одиграни натпревари, сега имаме учинок 2-1, на првото место Швајцарија има 1-2, а Словачка (1-1) и две неодиграни средби на „балонот“.

Утре од 19.00 часот, ќе играат селекциите на Словачка и Швајцарија, додека на 18 август (среда), Македонија го затвора турнирот против Словаците во истиот термин.