Повеќе од 376.000 Палестинци се вратија во северниот дел на Појасот Газа од понеделник наутро, благодарение на кревкото примирје меѓу Израел и Хамас, објави денеска Канцеларијата на Обединетите нации за координација на хуманитарни прашања (OCHA) .

Мажите сочинуваат половина од раселените, додека жените и децата по една четвртина,  соопшти OCHA, цитирајќи податоци од работната група која вклучува неколку организации кои формираат точки за броење во различни делови на палестинската територија.

„Бремени жени или доилки, стари лица, инвалиди, хронично болни, лица на кои им е потребна итна медицинска помош или малолетници без придружба се меѓу клучните ранливи групи меѓу раселените кои тргнаа на ова тешко патување пеш“, соопшти OCHA.

Today, aid groups provided health care, food and other humanitarian services to people returning to what’s left of northern #Gaza after over a year in displacement.

At last, we can respond to people’s needs meaningfully. #GazaCeasefire is an opportunity we’re not going to miss. pic.twitter.com/4oFVaPAG7n

— OCHA OPT (Palestine) (@ochaopt) January 27, 2025

Владата на Хамас претходно соопшти дека 300.000 раселени лица се вратиле во северниот дел на територијата во понеделникот, откако израелската армија им даде дозвола да се вратат тоа утро.