За учество на националниот натпревар во рамки на Европскиот квиз на парите, чија цел е финансиска едукација на учениците од 13 до 15 години, оваа година се пријавени 174 одделенија, односно класови од 72 основни и средни училишта од нашата земја.

Националниот натпревар ќе се одржи на 24 март, кога ќе бидат познати двајца ученици кои ќе ја  претставуваат нашата земја на финалето.

Квизот е проект на Европската банкарска федерација и има за цел да ги поттикне училиштата и наставниот кадар во Европа повеќе да вложуваат во финансиската едукација на младите.

Нашата земја по третпат е дел од овој проект, во организација на Македонската банкарска асоцијација (МБА), во соработка со Народната банка и Комисијата за хартии од вредност и со поддршка од Министерството за финансии и Министерството за образование и наука.

Минатите две години, македонските претставници беа европски вицешампиони.