На Карло Анчелоти му се заканува затворска казна од пет години
Покраинското обвинителство во Мадрид бара четири години и девет месеци затвор за италијанскиот фудбалски тренер Карло Анчелоти за даночно затајување во фискалните години 2014 и 2015 во износ од 1.062.079 евра, пишува „Марка“.
Анчелоти е обвинет дека не плаќал данок во Шпанија, иако наводно бил жител, и дека не пријавил приходи од авторски права и слики што му припаѓале како тренер на Реал Мадрид. Тој се товари за две даночни кривични дела.
Анчелоти беше тренер на Реал од 2013 до 2015 година. Тој повторно се врати на Бернабеу во 2021 година.
Шпанските медиуми потсетуваат дека обвинението против Анчелоти е покренато во 2020 година.
🚨 BREAKING: The Prosecutor’s Office requests almost five years in prison for Carlo Ancelotti for defrauding €1M back in 2014 and 2015. pic.twitter.com/GOX1Ltf4ik
— Madrid Xtra (@MadridXtra) March 6, 2024