Правото на глас до 11 часот на денешните парламентарни избори во Албанија го оствариле 20,06 отсто од вкупно запишаните 3.588.869 гласачи во единственот избирачки список.

Највисока излезност е забележана во Тирана 22,34 отсто, додека најниска во Валона 14,64 отсто.

Во изјава за медиумите, претседателот на Централната изборна комисија Илирјан Челибаши ги повика сите членови на партиите да не влијаат на избирачките места.

-Сакам да ги повикам лидерите на политичките партии кои имаат членови во избирачките места да ги почитуваат нивните одговорности, нема причина да ги категоризираме од политичка природа, секој член кој нема да се однесува според одредбите од изборниот законик, па и со напуштање на должноста, ќе сноси кривична одговорност, рече Челибаши.

Тој кажа дека има одредени проблеми од техничка карактер кај употребата на апаратите за електронска идентификација, што „биле очекувани, бидејќи за првпат се употребуваат, но и поради кусиот рок за обука”.

Додаде дека проблемите од овој карактер се надминуваат и оти онаму каде што тоа не е можно продолжува процесот со мануелна индентфикација.