Тотенхем успеа да го ангажира играчот од средниот ред Пјер-Емил Хојбјерг од редовите Саутемптон. „Петлите” и официјално го објавија својот прв летен трансфер, откако ќе платат 20 милиони фунти за фудбалерот кој потпиша договор на пет години.

Данецот ќе го носи дресот со број 5 во својот нов клуб. Трансферот беше финализиран откако фудбалерот ги помина задолжителните лекарски прегледи.

– Тоа што ми беше важно е да играм во клуб каде се гледам себеси за многу години што доаѓаат. Тоа беше Тотенхем. Многу сум горд, среќен и возбуден. Мислам дека клубот има фантастична иднина и многу сакав да бидам дел од него – рече Хојберг по неговиот трансфер во Тотенхем.

Let’s go @spursofficial ✍? pic.twitter.com/fEhCIwuShZ

— Pierre-Emile Højbjerg (@hojbjerg23) August 11, 2020

Данскиот репрезентативец веќе има искуство во Премиер лигата и ова е една од причините зошто менаџерот Жозе Мурињо ги следеше неговите перформанси. Тој има одиграно повеќе од 100 натпревари во англискиот шампионат за време на неговиот 4-годишен престој во Саутемптон.

Хојберг (25) ја започна својата кариера во Баерн Минхен, запиша има 17 натпревари за баварските гиганти, не успеа да се избори за стартно место, па беше испратен на позајмица во Аугсбург и Шалке.