Мундијал за историја: Ова никогаш не се случило на ниту едно СП со 32 репрезентации
Елиминациската фаза на Светското првенство во Катар започнува денеска со натпреварот Холандија – САД, а во неа учествуваат уште 14 селекции, по две првопласирани од секоја група.
И во групната фаза имаше невообичаено многу изненадувања, а последицата е што ниту една репрезентација не оствари стопроцентен учинок, а ова не се случило од 1994 година.
Откако Светското првенство во Франција во 1998 година беше прво со 32 репрезентации, а ова во Катар е последно со исто толку, тоа значи дека за прв и последен пат на СП со 32 селекции, никој не ги остварил сите три победи.
Севкупно, ова е само четврто Светско првенство со ваков податок. Пред споменатата 1994 година, на последното Светско првенство со 24 репрезентации учесници, тоа се случи двапати во ерата на 16 репрезентации – во 1958 и 1962 година. Во Катар, пет национални селекции ја завршија групната фаза без пораз: Холандија, Англија и Мароко имаа по две победи и едно реми, а САД и Хрватска по една победа и две нерешени.
Меси има шанса против Австралија да го надмине рекордот на Марадона
Претходно, во групната фаза, се случуваше непоразени репрезентации да не поминат во вториот круг. Шкотска ја имаше таа несреќа – трета во групата во 1974 година со една победа и две нерешени средби, како и Нов Зеланд во 2010 година, Белгија во 1998 година и Камерун во 1982 година, кои сите беа трети со по три ремија.
Исто така, Англија во 1982 година ги имаше сите три победи во првата групна фаза, а беше елиминирана по две ремија во втората групна фаза, додека Бразил во 1978 година имаше две победи и едно реми во двете групни фази, но поради системот на натпреварување кој го фаворизираше домаќинот (и подоцна светски шампион) Аргентина, мораше да се задоволи со натпреварот за третото место.