Моника Белучи: Сите живееме во страв, но имам доверба во медицината
Моника Белучи оваа година ќе го прослави 56-от роденден, но сè уште е на врвот ма листата на најубавите жени во светот.
Италијанската глумица која живее во Париз, за време на пандемијата престојува на брегот на Баскија, на северот на Шпанија со ќерките Дева (15) и Леона (9), кои ги доби во бракот со Винсент Касел. Таму е стационирана поради можноста ќерките да се гледаат со татко им кој таму поминува поголем дел од времето.
Неодамна во интервју за француски магазин ја прашале што мисли за пандемијата.
„Голема тага. Мислам на мојата земја, Италија, која е најмногу погодена во Европа. Сите живееме во страв, а истовремено имам целосна доверба во медицината, уверена сум дека ќе пронајдат лек, а потоа и вакцина. Како што рече Едуардо де Филипо, неаполски автор и глумец, „ноќта мора да помине“. Таа ноќ, веројатно ќе биде долга, но секако ќе доведе до нешто ново. Загрижена сум најмногу за моите родители кои имаат 83 и 77 години и мислам многу на нив“, рекла Моника.