МОН почнува процес за вработување на образовните асистенти (ВИДЕО)

Министерството за образование и наука има уште малку време да ги примени протоколите за настава пред почетокот на новата учебна година на 1 октомври, но родителите на деца со посебни потреби реагираат дека во протоколот се изоставени децата кои имаат посебни образовни потреби.

– Моето дете кое има аутизам не е во можност да ја следи он-лајн наставата каква што е подготвена за останатите ученици. Децата со посебни потреби, кога одат во училиште имаат посебна наставна програма која вклучува дефектолози, логопед, педагог, програма индивидуална за секого, според која добиваат оценки. Второто полугодие лани, таква програма не ни дадоа за он-лајн настава, но тоа можам да го сфатам, бидејќи ситуацијата сите не пречека неподготвени. Но, сега после шест месеци, немам разбирање што за децата со посебни потреби никој не се обиде да изготви соодветна програма за учење од дома, вели Сања, мајка на седмооделенец кој има аутизам.

Проблем за децата со посебни потреби, но и за родителите, е недостатокот од образовни и лични асистенти. 

Од општина Ѓорче Петров, каде што живее Сања, ни потврдија дека се справуваат со потешкотии во обидот да обезбедат лични и образовни асистенти.

– УНДП ни одобри средства за девет персонални асистенти, но досега се пријавија само седум. Нема интерес поради ниските месечни плати кои им се нудат на асистентите. Никој не сака да работи за 7.000 плата, а при тоа да има факултетска диплома. Но, и да се пријават уште потребните двајца, пак ќе биде недоволно, бидејќи имаме реална потреба за 20 лични асистенти, нѝ изјави Соња Палчевска Ќосева, од секторот за образование во Општина Ѓорче Петров.

Прочитајте и...  Циклонот Јанос ќе удри на западот на Грција, прогласена вонредна состојба

Слободен печат разговараше уште со две мајки на деца со посебни потреби. Двете деца имаат аутистичен спектар, и имаат потешкотии во учењето. На Огнен, кој оваа година ќе биде прваче, му е доделен образовен асистент, а Коста кој исто така ќе биде прваче, е одбиен од Општина Аеродром, без на семејството да му биде приложено било каков документ со образложение.

Решение на проблемот има, велат упатените, а тоа е образовните асистенти да се вработат и да земаат соодветни месечни примања, а не мизерни 7.500 денари.

Андријана, која е одделенски наставник по професија, трета година по ред е образовен асистент на глувонемо дете. Таа отворено зборува за предизвиците со кои се соочува, обидувајќи се за надомест од 7.500 денари месечно да му обезбеди непречено следење на наставата.

Прочитајте и...  Бислимоски: Комесарката Нелкова – Чучук е избрана за член на претседателството на ЕРРА

– Трета година по ред работам со исто дете. Детето е глувонемо, нема концентрација и не беше лесно да се воспостави близок контакт и доверба. Првата година бегаше, се криеше од мене, но сега веќе сме многу поврзани. Има напредок, задоволни се и родителите, а и детето е среќно. Сепак, не е лесно да се биде асистент на дете со посебни потреби, некои деца се и агресивни, тешки за соработка. А, паричниот надоместок кој го добиваме за тоа е многу мал, 7.500 денари од УНДП. Не сме пријавени, немаме работен стаж. Доставивме барање до МОН и до претседателот Пендаровски, да бидеме вработени. Од кабинетот на претседателот ни одговорија дека не се овластени по ова прашање, додека од МОН се уште нема никаков одговор, објаснува Андријана.

Образовните асистенти за време на часовите седат со децата, и значително придонесуваат за совладување на наставниот материјал кој е различнен за секое дете со посебни потреби. Но, проблемот се појавува кога поради недоволна мотивираност асистентите се откажуваат, што пак најмногу се одразува на децата.

– Јас не верувам дека образовните асистенти ќе се откажуваат од ангажманите ако добијат вработување. Кога почнавме бевме 15, сега сме седум асистенти.Тешко е да се откажеш од детето, се приврзуваш со него, но кога е во прашање подобра понуда за работа, сите пред се ја ставаат својата егзистенција, вели Андријана.

Прочитајте и...  Денеска ново рочиште за случајот „27 април“: Талат Џафери во улога на сведок

Од МОН објаснуваат дека можно е да почне процесот на вработување на образовните асистенти.

– Врвен приоритет на Министерството за образование и наука (МОН) е да обезбеди спроведување на концепцијата за инклузивно образование и да обезбеди одржливост на системот, што значи и вработување на давателите на услугата во образовниот процес. МОН во моментов работи на допрецизирање на регулативата со којашто ќе се стандардизира услугата образовен асистент, по што ќе биде можно да почне процесот на вработување на образовните асистенти. До завршувањето на овој процес, образовните асистенти ќе бидат ангажирани преку Програмата за општинско-корисна работа. Во завршна фаза е изготвувањето на регулативата што ќе ги даде стандардите за услугата образовен асистент, по што ќе почнат и обуките за лицата заинтересирани да работат како образовни асистенти, велат од МОН.

Државата ги заборави: За децата со посебни потреби училишната година нема да почне

Прочитај повеќе

Заев: Да се отфрлат предрасудите, субвенции ќе има за сите етнички заедници и иницијативи

Слободен печат

Фрчат казни во Франција за неносење маски, оолу 44,5 илјади Французи платија по 135 евра

МИА Агенција

Околу 40.000 ученици немаат опрема за онлајн настава, часовите ќе ги следат на телевизија

Михаило Донев

ЕУ ќе ја купува и вакцината на „Санофи” и „ГСК”

Слободен печат

Синдикатите ги кренаа работниците, протести во 23 италијански градови

Слободен печат

Димитриевска за жалбата на ОЈО за сообраќајката кај Млечен: Ми се потврдија поплаките за обвинителката и судијката!

Лука Андреев

Остави Коментар

Прочитај повеќе

Предизборни митинзи во САД: Бајден бара оставка од Трамп, тој пак ја нападна Хилари Клинтон

Слободен печат

Мицкоски: Пратениците треба да се коректори на политиките на старо-новата влада

Слободен печат

Латиноамерикански земји бараат повеќе време за „Ковакс”

Слободен печат

Се полни новиот бегалски камп на Лезбос, преместени околу 5.000 мигранти

МИА Агенција

Македонија и Бугарија ќе претседаваат со самитот на Западен Балкан во Софија

Слободен печат

ОЈО Скопје ја обжали условната пресуда за сообраќајката кај Млечен и предлага затвор за обвинетиот

Слободен печат