Могерини: Новиот шеф на дипломатијата на ЕУ треба да биде посветен и приврзан
Во врска со пополнувањето на местото шеф на дипломатијата на ЕУ, високата претставничка за надворешна политика и безбедност на ЕУ, Федерика Могерини, истакна дека новиот човек на таа позиција треба да биде посветено лице од сферата на надворешната политика.
– Се надевам дека тоа ќе биде некој посветен и приврзан, кој доаѓа од сферата на надворешната политика, но и безбедноста и одбраната, за да работата која ние ја сработивме за четири ипол години да биде консолидирана, посебново областа на одбрана, безбедност и глобална стратегија на ЕУ – изјави Могерини.
ЕУ во моментов е во процес на избор на лица кои во наредните пет години ќе бидат на чело на нејзините најважни институции.
Поради тоа во наредните денови ќе се знаат имињата на кандидатите за наследници на Жан Клод Јункер, Доналд Туск, Федерика Могерини, Антониот Тајани и Марио Драги.