Многу редок случај: Адвокатка објаснува како Жизел и Том се разведоа за само еден ден
Разводот на Жизел Бундшен и Том Брејди, кој и двајцата го потврдија, наиде на големо неверување бидејќи манекенката и спортистот важеа за идеална двојка. Можеби тоа и беа одредено време, но на љубовната приказна ѝ дојде крајот. Она што исто така предизвика голем шок е брзината со која се разведоа.
Поранешниот пар се развел истиот ден кога било поднесено барањето за разводот, пишува „Пипл“. Документите за развод биле поднесени во петокот наутро и набргу потоа биле одобрени од судијата.
View this post on Instagram
Брзите разводи се многу ретки, а нивната процедува ја објасни адвокатката Жаклин Њуман од Њујорк.
„Тие веќе склучија договор за спогодба, кој обично вклучува и финансиски прашања и прашања за старателство“, рекла таа, додавајќи дека пред да дојдат на суд, поранешните партнери веќе ги решиле прашањата поврзани со старателството и алиментацијата.
Откако парот ги договорил условите за развод, судијата морал да донесе конечно одобрение.
„Откако парот ќе се договори за сѐ, судијата го разгледува договорот и го одобрува. Постојат ситуации во кои судиите ја отфрлаат спогодбата, обично во случаи за издршка на деца. Но, тоа ретко се случува, и обично ако издржувањето е спорно. Но, тоа очигледно не е проблем овде“, истакнала Жаклин Њуман.
Адвокатката истакнала дека Жизел и Том цело ова време работеле на условите за спогодбата, како и дека одлучиле да го поделат старателството над децата. Ова прво значи дека се точни гласините за нивното раскинување кои кружат со месеци, како и дека поранешната двојка одамна не живее заедно, односно дека во нивниот однос постојат проблеми подолго отколку што се мислеше.
„Изминатите неколку дена, мојата сопруга и јас се разведовме по 13 години брак. До оваа одлука дојдовме спогодбено, благодарни за времето што го поминавме заедно“, напиша Брејди на Инстаграм.
Потоа се огласи и Жизел: „Одлуката да се прекине брак никогаш не е лесна, но ни есе разделивме и иако, се разбира, тешко е да се помине низ вакво нешто, благодарна сум за времето што го поминавме заедно и му посакувам само најдобро на Том, засекогаш“.
„Беше болно и тешко“: Жизел Бундшен и Том Брејди се разведоа