35-годишна жителка на Ресен, која возела автомобил „Голф“ минатата недела не застанала на знак за запирање кој ѝ го дале полицајци и се обидела да ги прегази со автомобилот, соопшти МВР.

Оттаму информираат дека надворешната канцеларија за криминалистички работи Ресен поднела кривична пријава против П.Н.(35) од Ресен, поради постоење основи на сомнение за сторено кривично дело „напад врз службено лице при вршење работи на безбедноста”.

„На 14.02.2023 на патниот правец Маркова Нога-Макази, во близина на с.Грнчари, пријавената со патничко возило „Фолксваген Голф” не застанала на знак за запирање даден од полициски службеници и со возилото се обидела да ги удри полициските службеници“, велат од полицијата.

За делото за кое ќе се гони младата ресенчанка е предвидена максимална казна од пет години затвор.