Лидерот на опозициската партија ВМРО-ДПМНЕ, Христијан Мицокски во моментов се обраќа пред македонската јавност.

-Народот се определи за реалност, која е мачна и тешка за граѓаните, има еден непобитен факт, таа мачна и тешка реалност донесе апатија и разочараност на граѓаните од политиката. Опозицијата освои повеќе гласови од Власта. А ВМРО-ДПМНЕ без БЕСА во редовите на СДСМ освои повеќе пратенички мандати. ВМРО-ДПМНЕ заедно со коалицијата победи 41 општина, во Ѓорче Петров, во Бутел, во Гази Баба, во Аеродром, Кисела Вода, Сопиште, Илинден, Македонски Брод, Велес, Неготино… Победивме во Прилеп, во Вевчани, Дебарца, Охрид, Струга, Демир Хисар- рече Мицкоски.

Овој резултат, потенцираше Мицкоски, е постигнат во едни тешки околности, притисоци и бројни нерегуларности, Власта спроведе масовен поткуп, со ова се боревме во текот на целата кампања.

Имаме гласови од сите етнички заедници, потенцираше Мицкоски, но најмногу од македонскиот народ.

Во текот на денот ДИК ќе излезе со конечни резултати, потенцираше Мицкоски, кој рече дека разговарал со претседателот на Комисијата, кој рекол дека ДИК била цел на хакерски напад.

-По интригантно за мене е тоа, како никој не го постави прашањето, како на опозицијата и беше дозволено рекламирање во блок од 1 час, таа да се рекламира 6 минути, а опозицијата само 3 минути- рече Мицкоски.

Тој упати порака до сите кои се занимаваат со политка, да внимаат и повеќе да не го разочаруваат народот.

Мицкоски синоќа после завршувањето на изборниот процес не одржа прес-конфереција која беше очекувана и од медиумите и новинарските епики, но и од неговите поддржувачи.