Репрезентацијата на Аргентина ја совлада Ангола со 2:0 во пријателски натпревар одигран во Луанда, кој се одржа по повод 50-годишнината од независноста на африканската земја.

Според извори од „Мундо Депортиво“, Аргентинската фудбалска федерација заработила 12 милиони долари за учеството на националниот тим на овој меч. Интересно е што во договорот меѓу двете федерации била вклучена специјална клаузула според која Лионел Меси морал да биде присутен на натпреварот за целата сума да биде исплатена.

Фудбалската федерација на Ангола за овој меч одлучи билетите да чинат симболичен 1 долар, со што го направи натпреварот достапен за сите љубители на фудбалот.

Преземено од: Sport.com.mk