Францускиот претседател Емануел Макрон денеска треба да ја прими германската канцеларка Ангела Меркел на работна средба во Елисејската палата во Париз.

Според извори од Кабинетот на Макрон, на заедничката вечера ќе се фокусираат на ситуацијата во Авганистан и Сахел. Тие, исто така, сакаат да зборуваат за претстојното француско претседателство со Советот на ЕУ. Франција го презема шестмесечното ротирачко претседателство во јануари.

Меркел се повлекува од функцијата канцелар подоцна овој месец, по 16 години на чело на германската политика, кога ќе биде избран новиот Бундестаг. Нејзината проштална посета со Макрон е закажана за подоцна, најверојатно по изборите во Германија.

Макрон веќе ги прими кандидатите канцелари Олаф Шолц и Армин Лашет, минатата недела во Париз.

Извор: МИА