Американскиот претседател Доналд Трамп изјави за италијански весник дека е „шокиран“ од премиерката Џорџа Мелони и дека „очекува таа да биде похрабра“, објавуваат медиумите.

Мелони е гласна поддржувачка на Трамп, но ја критикуваше неговата одлука да влезе во војна со Иран, а во понеделникот ги критикуваше неговите коментари за папата Лав, дадени за време на викендот, како „неприфатливи“.

Трамп ѝ одговори на италијанската премиерка во интервју за „Кориере дела Сера“, велејќи дека Мелони е „многу поинаква од она што го мисли“ и ја осуди за одбивањето да помогне во отворањето на Ормускиот Теснец, кој Иран го блокираше, според новинските агенции.

„Шокиран сум од неа. Мислев дека има храброст. Грешев“, беше цитиран во статија на италијански јазик објавена на веб-страницата на весникот.

Министерството за надворешни работи на Израел ја намали важноста на најавата на италијанската премиеркаи дека ќе „го суспендира автоматското обновување на одбранбениот договор со Израел“.

„Немаме договор за безбедност со Италија“, истакна израелското Министерство за надворешни работи, додавајќи дека тие имаат „меморандум за разбирање од пред многу години кој никогаш немал никаква суштинска содржина“.

„Ова нема да влијае на безбедноста на Израел“, соопшти израелското министерство.

Мелони умерено го поддржа папата, опозицијата ѝ скокна, па директно го осуди Трамп за навредите