Мексиканските власти ослободија 22 странци киднапирани во хотел
Мексиканските власти денеска ослободија 22 туристи, главно Кубанци и Хаиќани, кои претходно беа киднапирани од вооружени напаѓачи во хотел во државата Сан Луис Потоси во централниот дел на земјата, објави регионалниот државен обвинител.
Напаѓачите киднапираа и 16 Мексиканци, кои беа ослободени порано, за време на рацијата во хотелот „Сол и Луна“ во градот Матехуала, пренесува Ројтерс.
Странски државјани се ослободени во оддалечена област на патот помеѓу Матехуале и регионалната престолнина Сан Луис Потоси.
Во соопштението не се наведуваат детали за спасувачката операција, ниту пак се наведува дали некој од заложниците е повреден.
Меѓу киднапираните туристи имало три малолетни лица и една бремена жена.
Извор: Ројтерс