Вториот носител Данил Медведев се пласира во полуфиналето на последниот годинешен грен слем турнир откако во четвртфиналето го совлада Ботик ван де Зандшулп во четири сета и тоа со 6:3,6:0,4:6,7:5.

Медведев трета година по ред ќе игра во полуфиналето на УС Опен, пред две години загуби од Рафаел Надал во финалето, а минатата година е поразен од Александер Зверев токму во полуфиналето.

Во првите два сета против Ван де Зандшулп, Медведев доминираше на теренот. Во првиот сет поведе со 5:1 но потоа дојде до мало опуштање кое Холанѓанецот го искористи да освои два гема по ред. Но тоа беше се од него во првите два сета, Медведев со нов брејк дојде до 6:3 и водство до 1:0 во сетови, а во вториот сет тотално доминираше не дозволувајќи му на Ван де Зандшулп да освои ниту еден гем.

Работите се променија во третиот сет, сервисот на Медведев затаи, а противникот почна да игра многу подобро. Ја искористи брејк топката во петтиот гем и со сигурен сервис успеа да го освои сетот и да намали на 2:1.

Ван де Зандшулп добро се држеше и во четвриот сет, во првите десет гема не му дозволи ниту една брејк топка на Медведев. Но, Русинот во 11 гем брави брејк со нула и потоа со сигурен сервис обезбеди пласман во полуфиналето.
Противник на Данил Медведев во полуфиналето ќе му биде подобриот од дуелот Алкараз – Оже Алиасим.