Поранешниот руски претседател Дмитриј Медведев предложи денеска дека британските војници кои ги обучуваат украинските војници во Украина би можеле да бидат легитимни воени цели на руските сили, како и германските фабрики кои произведуваат ракети Таурус доколку го снабдуваат Киев.

„Ова ќе ги претвори нивните инструктори во легитимна цел на нашите вооружени сили, добро знаејќи дека ќе бидат безмилосно уништени. И тоа не како платеници, туку токму како британски специјални сили на НАТО“ напиша Медведев на Телеграм.

Медведев потоа го сврте вниманието кон Германија, осудувајќи ги оние кои сакаат Берлин да и испорачува на Украина ракети Таурус кои би можеле да ја погодат руската територија и да се обидат да ја ограничат Москва да ги снабдува своите војници.

„Тие велат дека тоа е во согласност со меѓународното право. Па, во тој случај, ударите врз германските фабрики каде што се произведуваат овие проектили, исто така, ќе бидат целосно во согласност со меѓународното право“, рече Медведев.

„Овие морони активно не туркаат кон Трета светска војна“, додаде Медведев.