Рајан Гарибалди, математичар и директор на Истражувачкиот центар за комуникации во Калифорнија, ги сподели различните тактики за зголемување на шансите да се освои големата награда – но тој исто така ја открива вообичаената грешка што ја прават играчите што би можела да ги доведе до неуспех.

Гарибалди вели дека изборот на непопуларни броеви, купувањето билети во државите каде што тие се продаваат најмалку и избирањето вистински издвоени броеви ги зголемуваат вашите шанси да освоите лото, пишува „Њујорк пост“.

Експертот откри една страшна грешка што може да ве спречи да заработите милиони – избирањето „среќни“ датуми за играње, што повеќето луѓе го прават.

„Друг совет би бил, ако го погледнете ливчето на кое ги избирате вашите броеви, не избирајте само една колона со бројки на тоа ливче, бидејќи некои луѓе ќе го направат тоа“, вели Гарибалди за WIRED.

Американците годишно трошат речиси 100 милијарди долари на државни лотарии, надевајќи се дека ќе го добијат износот што ќе им го промени животот, но обично си заминуваат со празни раце. Најголемиот национален Паурбол беше во 2016 година кога добивката достигна неверојатни 1,586 милијарди долари поделени помеѓу три лото тикети од Калифорнија, Флорида и од Тенеси.

И додека луѓето секоја недела купуваат лоз, Гарибалди зборува за тоа што треба, а што не треба се прави.

Тој вели дека изборот на последователни броеви може да биде добар потег бидејќи му помогнал на Ричард Ластиг да победи четирипати на локалната лотарија на Флорида за 1.038.499,92 долари.

Ластиг кој починал во 2018 година, претходно рекол дека ги реинвестирал добивките од лотото во купување нови лото ливчиња, користел рачно избрани редни броеви и постојано ги користел истите броеви, пишува „Њујорк пост“.

Истражувањето на Лендинг три покажува дека жителите на Масачусетс потрошиле најмногу по глава на жител на лото ливчиња и грепки во 2020 година.

„Жителите потрошиле 805,30 долари по глава на жител во 2020 година, покажуваат најновите достапни податоци, а најмногу во североисточниот дел на Њујорк (455,93 долари) и Род Ајленд (429,88 долари)“, се вели во студијата.

По нив следуваат Џорџија (429,51 долари) и Мичиген (408,51 долари). На долниот крај се Северна Дакота (29,93 долари), Вајоминг (39,08 долари), Монтана (55,21 долари), Ново Мексико (60,00 долари) и Оклахома (67,67 долари). Алабама, Алјаска, Хаваи, Невада и Јута се единствените држави кои не учествуваат на лотаријата.

„Постои класичен пример во Орегон во 1999 година. Тие имале џекпот од 18.000.000 долари, но не продале толку ливчиња, а тоа значи дека кога ќе купите ливче во такво извлекување, веројатно нема да го поделите џекпотот“, рекол Гарибалди.