Шпанија ја тресе нов скандал поради местење натпревари, според медиумите на Пиринеите, во координирана акција на полицијата и Обвинителството во петокот се приведени неколку лица, поранешни фудбалери и функционери, кои се осомничени дека учествувале во режија на најмалку три натпревари од највисокиот ранг и втората лига.

Врз основа на прислушуваните разговори, полицијата и обвинителството откриле дека на седум играчи на Виљареал им биле понудени 1,8 милион евра за да го загубат последниот натпревар во сезоната 2018/19 од Хетафе, чиј напаѓач Хорхе Молина, како што е утврдено, бил запознаен со исплатата.

Ова е најновиот развој на операцијата „Оикос“, а весникот „Кадена Копе“ во најновото издание објави разговори помеѓу поранешните фудбалери Карлос Аранда и Франциско „Пако“ Естебан, преку кои помина договорот.

? Noticia @partidazocope

? Operación OIKOS

? Transcripción de una conversación de Carlos Aranda con Paco Esteban

?️ Hablan de un supuesto amaño del @GetafeCF – @VillarrealCF de la última jornada de la temporada 18/19 citando al actual capitán del Getafe, Jorge Molina pic.twitter.com/8gN5nFHkXQ

— El Partidazo de COPE (@partidazocope) May 15, 2020

Истите медиуми го контактираа и сегашниот напаѓач на Хетафе, Молина, кој, многу вознемирен и лут, остро ги негираше обвинувањата.

Споменатиот натпревар заврши со резултат 2:2, па Хетафе остана без четвртата позиција и пласман во квалификациите за Лигата на шампионите, каде на крајот заврши Валенсија, која го совлада Ваљадолид со 2:0, во уште еден натпревар кој се смета за сомнителен.

Покрај тој дуел, предмет на истрагата се и натпреварите на Валенсија пред крајот на истата сезона, победата на „лилјаците“ против Хуеска и споменатата против Ваљадолид, како и дуелот помеѓу Бетис и Хуеска, кој е под сомнеж заради големи уплати за победа на домашниот тим.

Во мај 2019 година, 11 лица беа веќе уапсени за наводно местење натпревари во Шпанија, вклучувајќи го и претседателот на Хуеска.

Уште еден меч за кој е потврдено дека е под истрага е и победата од 1:0 на Химнастик против Хуеска во рамките на Сегунда во сезоната 2017/18, кога Хуеска веќе обезбеди пласман во највисокиот ранг на натпреварување.

Меѓу осомничените е и поранешниот репрезентативец на Шпанија и поранешен играч на Реал Мадрид, Раул Браво, заедно со него и Борја Фернандез, чиј последен натпревар во неговата кариера беше токму еден од оние што се предмет на истрагата, Валенсија – Ваљадолид.

Меѓу уапсените се и Карлос Аранда, екс играч на Реал Мадрид и Иниго Лопез Монтана, играч на Депортиво Ла Коруња, а претходно и на Хуеска.

Агустин Ласаоса, претседател на Хуеска и Хуан Карлос Галиндо Лануза, шеф на медицинската служба на истиот клуб, исто така беа на сослушување.