Мас: Ние остануваме на ветувањето дека иднината на Западен Балкан е во ЕУ
Германија е искрена во врска со ЕУ перспективата на сите земји од Западен Балкан и дека затоа е важно, со поддршка интензивно да се продолжи по тој пат врз база на реформите, соопшти германското министерство за надворешни работи.
Германското МНР потсетува дека на европскиот пат од 2014 година постои и дополнителен формат „Берлински процес“, чија цел е приближување на Западен Балкан и ЕУ.
„Притоа станува збор за многу конкретни, практични чекори како што се основање на Регионална мрежа или создавање Единствен регионален пазар. Германската влада ова лето ќе биде домаќин на „Берлинскиот процес“ и се надева дека во Берлин ќе се одржи самит со лично присуство на лидерите од земјите учеснички“, додава министерството.
„Ветувањето на Германија, нашето ветување стои: Иднината на земјите од Западен Балкан е во Европската унија. Германија е и ќе остане близок партнер на сите земји од Западен Балкан, вклучувајќи го и „Берлинскиот процес“. За тоа, како и за многу други важни теми ќе стане збор во разговорите на министерот Хајко Мас и државниот секретар Михаел Рот во наредните две седмици“, стои во соопштението.
Се потсетува дека и паралелно со тие разгвори, почнува и посетата на Западен Балкан на специјалниот пратеник на ЕУ за дијалог меѓу Белград и Приштина Мирослав Лајчак.
„Пред само неколку денови, американскиот Стејт департмент ја подвлече поддршката на САД за дијалогот под водствот на ЕУ, чија цел е нормализација и сеопфатен договор за взаемно признавање. Изборот на Џо Бајден за претседател на САД исто така пружа шанса за трансатлантски и одличен настап на Западен Балкан во корист на помирувањето, демократијата и економскиот развој. Во тоа светло, новата американска администрација со право од Европа и Германија очекува да преземат поголема одговорност во своето непосредно соседство“, се наведува во соопштението од германското МНР.
Извор: Бета