Новиот супер талентиран напаѓач, Ерлинг Халанд (19) оваа зима направи трансфер во Борусија Дортмунд, после одличните голгетерски перформанси сезонава во дресот на Салцбург.

Младата светска фудбалска „гол-машина“ која доаѓа од Норвешка предизвика огромно внимание во првиот дел од натпреварувачката сезона, за австрискиот клуб Салцбург реализираше 16 голови во 14 натпревари и осум погодоци во групната фаза од Лигата на шампионите.

Дојде за само пет милиони евра во Салцбург, а Австријците го продадоа за 20 милиони за трансферот во германската екипа на Борусија Дортмунд.

Во неговите млади години пред сериозно да влезе во фудбалските води, Халанд се обиде да ги покаже музичките способности, поточно како „рапер“.

На Јутјуб претходно се објави видео на кое се гледа како тогаш 16-годишниот Ерлинг рапува со останатите од својата група.