Норвешкото фудбалско „чудо“ ќе ја продолжи кариерата во Бундес лигата потпишувајќи договор на четири години со „милионерите“.

Како што тврдат од германската екипа, и покрај големиот број на понуди од врвни европски клубови, Халанд одлучи да се пресели во Дортмунд.

Од претходно е најавено дека Скандинавците би можеле да бидат хит во претстојниот зимски преоден рок, еве тоа почнува и да се реализира.

Оваа сезона младиот и талентиран напаѓач кој има само 19 години, за австрискиот состав на Салцбург реализираше 16 голови во 14 натпревари и осум погодоци во групната фаза од Лигата на шампионите.

– Сите можеме да очекуваме еден амбициозен, физички и психички силен централен напаѓач со изразен инстикт за реализација на погодок и импресивна брзина, би сакале да се развива и во Дортмунд. На 19-годишна возраст, Ерлинг секако започнува со надеж за одлична кариера – се зборовите на спортскиот директор Михаел Зорц кој ги водеше преговорите.

Borussia Dortmund verpflichtet Erling Haaland. #Haaland2024 pic.twitter.com/NOHt7l7bgL

— Borussia Dortmund (@BVB) December 29, 2019