Францускиот претседател Емануел Макрон изутринава изјави дека еден француски војник е убиен во напад во регионот Ербил во Ирак.

Во пост објавен на својот профил преку социјалната мрежа „Икс“ Макрон посочува дека инцидентот се случил при напад извршен врз француските сили, ангажирани во Ирак за разбивање на екстремистичката група „Исламска држава“ уште позната и како Даеш, објави Ројтерс.

L’adjudant-chef Arnaud Frion du 7ème bataillon de chasseurs alpins de Varces est mort pour la France lors d’une attaque dans la région d’Erbil en Irak.

À sa famille, à ses frères d’armes, je veux dire toute l’affection et la solidarité de la Nation.

Plusieurs de nos militaires…

— Emmanuel Macron (@EmmanuelMacron) March 13, 2026

„Овој напад врз нашите сили, кои се борат против Исламската држава од 2015 година, е неприфатлив“, рече Макрон, користејќи навредлив термин за екстремистичката група.

„Нивното присуство во Ирак е строго во рамките на борбата против тероризмот. Војната во Иран не може да ги оправда ваквите напади“, додаде тој. Макрон не кажа кој стои зад нападот.

Претходно, француското Министерство за одбрана соопшти за шест француски војници повредени во напад со дрон додека вршеле обука на ирачки сили за борба против тероризмот. Повредените биле пренесени во најблиската медицинска установа.

Франција има стотици војници стационирани во регионот Ербил како дел од пошироката меѓународна коалиција за борба против милитантите на Исламска држава во областа.

Инаку, според локалните власти во Ербил, во нападот биле употребени два дрона, а мета на нападот била воена база сместена на околу 40 километри југозападно од главниот град на антономната област Курдистан. Засега не е познато кој стои зад нападот.

Самиот напад доаѓа во услови на зголемени тензии на Блискиот Исток по неодамнешните воени дејствија на САД и Израел против Иран, на што Техеран возврати со напади врз американските бази во регионот.