Македонските одбојкари со убедлива победа на стартот во Европската сребрена лига

Фото: facebook/Одбојкарска федерација на Македонија

Денеска во својот прв натпревар од групата „Б“ во Европската сребрена лига репрезентацијата на Македонија предводена од новиот селектор Ратко Павличевиќ триумфираше над Босна и Херцеговина со резултат 3:0.

Нашите најдобри одбојкари доминираа во СЦ „Борис Трајковски“ во Скопје, првиот сет го добија со 25:16.

Нашиот квалитет го покажавме и во вториот сет кој го освоивме исто така убедливо со 25:17.

А во третиот сет имаше поголема неизвесност, противникот имаше на периоди минимална предност, но на крајот ние повторно бевме подобрите и со 25:23 го поставивме конечниот епилог за први бодови.

Никола Ѓоргиев, капитенот беше најефикасен во нашите редови со 25 поени, а на спротивната страна Ади Османовиќ запиша 16 поени.

Се одигра и вториот натпревар од првото коло во оваа група, Романија славеше на гостувањето кај Албанија со 1:3.

Европска сребрена лига

Табела, група „Б“

Резултати, 1. коло

Македонија – Босна и Херцеговина 3:0
Албанија – Романија 1:3

1. Македонија 3 бодови (3:0)
2. Романија 3 (3:1)
3. Албанија 0 (1:3)
4. Босна и Херцеговина (0:3)

Следни натпревари: 28 мај Романија – Македонија, Босна и Херцеговина – Албанија

Видео на денот