На силниот меѓународен кикбокс турнир „Балкан опен 2025“ во Тешањ, Босна и Херцеговина, македонските натпреварувачи освоија вкупно 20 медали.

Нашите кикбоксери се закитија со девет златни, шест сребрени и пет бронзени медали.

Злато освоија Рахим Вејсиловиќ, Јован Јанковски, Љупче Атанасов, Дамјана Пеовска, Милан Нешевски, Силвио Мировски, Петре Велков, Максим Митровски и Лука Кипровски. Сите конечни пласмани на следниот линк ТУКА

Најуспешни беа Босанците со 69 златни медали, пред Хрватска со 17 и Словенија која дојде до 15.

Во организација на Кикбокс Федерацијата на Босна и Херцеговина и домашниот кикбокс клуб „Центар боречки спортови Тешањ“, учествуваа 77 клубови од 10 земји (БиХ, Македонија, Хрватска, Словенија, Црна Гора, Србија, Чешка, Литванија, Палестина и Унгарија) со вкупно 410 натпреварувачи.