Дејан Георгиевски по 21 година повторно ја запиша Македонија на листата на освојувачи на медали на Олимписките игри. Младиот 22-годишен таеквондист тоа што го ветуваше пред настапот на Игрите во Токио, го оствари, освои медал и стана вториот македонски спортист по Могамед Ибрагимов (Сиднеј 2000 година) кој се закитил со медал.

Георгиевски го категоријата над 80 килограми, е поразен во финалето од Русинот Владислав Ларин, и со сребрен медал се врати во Македонија каде во родното Скопје му беше приреден спекталуларен пречек.

– Поздрав до сите Македонци како и до моите тренери. Добравечер Македонијо, ве обожувам и немам зборови со кои можам да го опишам ова. Да ви се заблагодарам на огромната поддршка и тоа што дојдовте во олку голем бро, фала му и на Бог бидејќи тој беше со нас и без него немаше да биде можно сево ова.

Без мојот тренер немаше да биде можно да го остварам овој успех. Докторот Борче Костовски и Дарко Костовски се најзаслужните за успехот. Докторот ја направи стратегијата хируршки прецизно и никогаш досега не погрешил. Поздрав до семејството, до брат ми Коки на кого му попуштам на тренинзите, до сестра ми Анамарија. Поздрав и до клупските другари кои тренираа со мене иако не беше фокусот не беше на нив, но тие се жртвуваа за мене. Ветивме дека ќе донесеме златен медал, но дојдовме до сребрен. Како и да е донесовме медал во Македонија.  Ќе ветам и јас дека во сите наредни Олимписки игри ќе имаме повеќе претставници и ќе носиме медали. Им посакувам на останатите споритисти во Токио да донесат медал и тие да имаат ваков пречек – порача Дејан Георгиевски.

ВИДЕО + ФОТО: Спектакуларен пречек за сребрениот олимпиец Дејан Георгиевски

Дарко Костовски: Ветивме и донесовме медал, на Игрите во Париз ќе имаме најмалку еден златен медал