Македонскиот пливач Ѓуретановиќ ќе настапи на Централното Европско првенство во Прага
Од Националната пливачка федерација е најавено дека денеска почнува Централно Европското првенство во пливање кое ќе се одржи на 3 и 4 декември 2022 година во Прага, Чешка.
Македонија ќе ја претставува Никола Ѓуретановиќ кој ќе земе учество во дисциплините 200 и 400 метри слободно, како и 200 метри мешано.
На линкот ТУКА можете да ги следите резултатите и самите натпревари во живо
– Голема благодарност до Никола Ѓошевски и Спорт Менаџмент Консалтинг и до сите спонзори за поддршката. Му посакуваме успех и навиваме заедно за Никола – објавија од пливачкиот клуб Вардар 2018.
Годинава на пливачкиот митинг „13 Ноември“ во организација на Бета Шаркс, Ѓуретановиќ го собори рекордот на 200 метри слободно во категоријата кадети. Рекордот беше стар 27 години, а носител беше Александар Маленко. Неговиот рекорд е со време од 01:55.15 мин.