Кошаркарките на Бадел 1862 триумфираа и на гостувањето во „мајсторката“ со 61:59 против Баскет кам за конечни 2-1 во полуфиналето од плејофот на „Шпаркасе Лајф“ Првата лига. Тоа значи, дека Македонија ќе има нов шампион во женска сениорска конкуренција.

Со кого ќе играат за шампионската титула, „баделки“ ќе дознаат по одигрувањето на третиот меч од серијата во кој, денеска од 19.00 часот, играат екипите на Крива Паланка и Вардар (резултатот е моментно 1:1).

Фримен беше најефикасна во победничката екипа со 26 поени, дополнети со седум скокови и четири асистенции, додека Клири имаше дабл-дабл учинок од 13 поени и 10 скокови.

Во редовите на сега веќе поранешниот шампион, Максимовска го заврши мечот со 18 поени и седум скока, додека Адамовска забележа 15 поени, шест скокови и три асистенции.

„ШПАРКАСЕ ЛАЈФ“ ПРВА ЛИГА-ЖЕНИ

ПЛЕЈ-ОФ – ПОЛУФИНАЛЕ

ТРЕТ НАТПРЕВАР

Баскет кам – Бадел 1862 59:61 (1-2)

19.00 часот: Крива Паланка – Вардар (1-1)