Македонија домаќин на уште едно Европско кошаркарско првенство!
Покрај континенталниот собир од Дивизијата „А“ во машка конкуренција „Под 16“, нашата земја ќе го организира и еврошампионатот од Дивизија „Б“ за кошаркарки „Под 20“.
Ова е уште едно големо признание за Македонија од страна на ФИБА Европа, информираат од федерацијата (КФСМ).
Доделени ни се организации на две младински европски првенства во текот на наредната година.
Доколку условите го дозволат тоа, ќе бидеме домаќини на ЕП од Дивизијата „А“ за кошаркари до 16 години, турнир кој треба да се одржи од 13-21 август 2021 година во Скопје.
Во главниот град ќе се организира и Европското првенство од Дивизијата „Б“ за кошаркарки „Под 20“, во периодот од 3-11 јули 2021 година.