Мајсторија на „ГРАНДЕ ПАНДЕВ“, победничко деби на Мота! (ВИДЕО)
Тиаго Мота кој во изминатиот период беше промовиран како нов тренер на клубот од „Луиџи Ферарис“, денеска пред своите навивачи имаше успешно деби на клупата.
Играчите на Џенова славеа против Бреша со 3:1, иако гостите водеа после првото полувреме. Пресвртот се случи во вториот дел, прво Горан Пандев влезе во игра од 58. минута како замена за Лерагер.
Во 66. минута се случи израмнување преку Агудело, па израмни Куаме во 75. минута, а со еден прекрасен погодок во 79. минута конечниот епилог го постави македонскиот репрезентативец за 3:1.
Во осмиот натпревар сезонава нашиот играч успеа да дојде до првиот погодок во дресот на Џенова.
На претходните две денешни средби во Серија А Лече му откина бод на Јувентус (1:1), а нерешено беше и на дуелот Интер-Парма (2:2).
На табелата после вториот триумф сезонава Џенова е на 17 позиција со осум бодови, за четири дена го очекува гостување кај шампионот Јуве.