Поранешниот боксерски шампион Мајк Тајсон беше гостин во подкастот „The Joe Rogan Experience“ каде што изнесе прилично бизарна теорија.

Тајсон гостувајќи во контроверзниот подкаст, рече дека е убеден дека богатите ги киднапираат бездомниците и ги ловат на нивните приватни имоти.

„Постојат такви специјални кампови и слично. Тие луѓе поседуваат илјадници хектари и ништо не расте на нив“, рече Ајрон Мајк, а Роган додаде дека е убеден дека некаде во светот постои некој што платил некому да лови личност. 

„Еве што се случува: ги тргаат бездомниците од улица. Ги ставаат таму, ги носат во една од оние специјални болници. Потоа ги земаат од болница, сите дрогирани, ги носат на тие големи имоти и потоа започнува ловот. Тоа е една уникатно предизвикувачка потера за нив, сè друго е премногу лесно“, ја раскажа Тајсон неговата теорија, која е сосема слична на заплетот на филмот „Тешка цел“ на режисерот од Хонг Конг, Џон Ву, а Роган се согласи со него.

Покрај дискусијата за чудната теорија на Тајсон, тие разговараа и за неговите миленици тигри, како и за неговото психоделично патување.