Мајден и Маркова Нога ќе бидат двата нови гранични премини кон Грција

Владата на седница денеска ги усвои предлог-законите за ратификација на Спогодбата меѓу Република Северна Македонија и Република Грција за отворање нов граничен премин меѓу двете земји кој ќе ги поврзува Мајден од македонска и Промахoи од грчка страна.

Како што посочува владината прес-служба, Спогодбата е склучена на 2 април 2019 година во Скопје, врз основа на Преспанскиот договор. Во неа се предвидува двете држави на сопствената територија да ја изградат, реконструираат и надградат соодветната патна мрежа, како и сета останата инфраструктура потребна за функционирањето на граничниот премин.

Со таа цел е и усвоениот предлог-закон за ратификација на Спогодбата меѓу Република Северна Македонија и Република Грција за отворање граничен премин во регионот на Преспанското Езеро и патиштата коишто ги поврзуваат Маркова Нога од македонска страна и Лемос на територијата на Грција.

Граничниот премин ќе овозможи поголемо поврзување и полесна комуникација на населението од овој пограничен регион.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот