Магдалена Стоилковска напредуваше за 33 позиции на ВТА листата
Новото рангирање на ВТА листата донесе нов напредок на македонската тенисерка Магдалена Стоилковска.
Стоилковска сега со шест поени се наоѓа на 1312 место и има скок од 33 позиции. Тоа се должи на поенот од Врњачка бања.
Најдобрата македонска тенисерка Лина Ѓорческа исто така има подобар ранг и сега се наоѓа на 226 место (скок за седум позиции) со 322 поени, но во конкуренција на двојки таа има пад од 20 места. Сега се наоѓа на 303 место со 255 поени.
Македонија ќе има три преставнички на главниот турнир на фјучрсот во Скопје Триглав Опен што стартува денеска на терените на ТК Југ и се игра за награден фонд од 40.000 долари.
Ѓорческа е слободна во првото коло, Стоилковска на стартот ќе игра против Лексие Стивенс од Холандија, додека Ива Данева за противничка ќе ја има Ксенија Ласкутова од Русија (27 години, 459 место ВТА).