ЛШ: Цел меч за Ристовски, Динамо Загреб одигра реми со Легија
Се одиграа уште три натпревари од третото квалификациско коло во Лигата на шампионите, составот на Динамо Загреб ремизираше на домашен терен (1:1) против Легија.
Во составот на хрватскиот шампион поради повреда го нема македонскиот репрезентативец Аријан Адеми, додека Стефан Ристовски го одигра целиот меч против Полјаците.
Токму нашиот дефанзивец ја подаде топката со Иванушец, овој убаво центрираше во казнетиот простор на Легија, највисоко скокна Петковиќ и со глава ја смести топката во мрежата на немоќниот голман Боруч.
Конечниот епилог беше поставен во 82 минута кога гостинската екипа реализираше погодок преку Албанецот Мучи.
Потсетување дека правилото „гол на гости“ од оваа сезона не важи, па така сè е отворено на реваншот кој е закажан за 10 август.
Унгарскиот Ференцварош дома обезбеди убава предност пред возвратната пресметка против Славија Прага од Чешка (2:0), а со истиот резултат славеше и португалската Бенфика на гостувањето кај Спартак Москва во Русија.