Управата на Бруклин нетс не е подготвена да му понуди нов договор на Кајри Ирвинг и можно е ол стар бекот да биде дел од мегаразмена по која повторно би станал соиграч со Леброн Џејмс.

Управата на Бруклин не сака да ризикува со Ирвинг кој често е повреден, а во регуларниот дел од сезоната речиси и да не играше поради неговиот став да одбие да се вакцинира против коронавирусот.

REPORT: The Nets have shown to be “unwilling” to offer Kyrie Irving a long-term extension due to his injury history, and unpredictability.

(via @Krisplashed) pic.twitter.com/oFnj7PVF6j

— Legion Hoops (@LegionHoops) May 25, 2022

Новинарот Кристијан Винфилд тврди дека Бруклин не е подготвен да му понуди нов договор на еден од своите двајца играчи, Кајри Ирвинг со што веднаш започнаа шпекулациите за тоа каде може да ја продолжи кариерата и како следен клуб во кариерата на ол стар бекот се споменува Лос Анџелес лејкерс.

Дел од медиумите пишуваат дека би требало двете екипи да ги размена само бекови, без да вметнуваат дополнителни кошаркари во размената.

Лејкерси бараат начин како да се ослободат од Расел Вестбрук кој не ги оправда очекувањата, постигнувајќи просечно 18,5 поени, 7,4 скокови и 7,1 асистенција по натпревар, а тимот од Лос Анџелес иако важеше за еден од главните фаворити за титулата не успеа да обезбеди пласман во финалето.

Доколку се реализира размената, Ирвинг повторно би играл со Леброн Џејмс со кого во 2016 година ја освоија титулата настапувајќи за Кливленд, додека Вестбрук повторно би бил соиграч со Кевин Дурент. Тие двајца осум години заедно настапуваа за Оклахома сити тандерс.

Лејкерси освен што бараат начин како да се ослободат од платата на Вестбрук (сезонава заработи 44.2 милиони долари), се во потрага и по нов тренер.

ESPN Sources: The Lakers interviewed former Blazers coach Terry Stotts for franchise’s head coaching job in Los Angeles on Tuesday. Two more assistants will meet with LA in near future — Golden State’s Kenny Atkinson and Milwaukee’s Darvin Ham.

— Adrian Wojnarowski (@wojespn) May 25, 2022

Како најсериозен кандидат за нов тренер на ЛА Лејкерс се споменува поранешниот тренер на Портланд Тери Стотс кој веќе имал разговор со управата на „езерцата“. Освен Стотс, разговор со управата на Лејкерси треба да имаат и асистентот на Стив Кер во Голден Стејт, Кени Аткинсон и помошниот тренер на Милвоки, Дарвин Хам.