ЛЕ: Мурињо повторно во Скопје, Ренова на мегдан против Галатасарај!
Македонските претставници Силекс, Ренова и Шкендија веќе ги дознаа ривалите од второто квалификациско коло на Лига Европа, а денеска во Нион и можните противници во третото квалификациско коло за пласман во плеј-офот во истото натпреварување.
Силекс од Кратово доколку ја елиминира косовската екипа на Дрита, во следната фаза ќе се соочи со полската Легија Варшава на гостински терен.
Потоа, Шкендија во третото квалификациско коло на Лига Европа ќе игра дома против подобриот од Локомотив Пловдив (Бугарија) и Тотенхем (Англија), но претходно играчите на тренерот Ѓока мора да излезат како победници во Романија против Ботошани.
Тотенхем е предводен од португалскиот менаџер Жозе Мурињо кој веќе беше во Скопје за време на спектаклот од УЕФА Суперкупот кога неговиот Реал Мадрид триумфираше во 2017 година против Манчестер јунајтед (2:1).
И на крајот Ренова доколку биде подобра од Хајдук Сплит, на гости ќе игра со Нефчи (Азербејџан) или Галатасарај (Турција). Натпреварите од 3. квалификациско коло ќе се играат на 24 септември, а победниците од сите мечеви ќе се пласираат во плеј-офот на ЛЕ.
ЛЕ: Ренова со Хајдук Сплит, Романци за Шкендија, Силекс против Дрита!