Специјалниот пратеник за дијалог Мирослав Лајчак се сретна со првиот заменик советник за национална безбедност на САД, Џон Фајнер и високата директорка за Европа, Аманда Слот, со која разговараше за ситуацијата на северот на Косово.

Лајчак на Твитер изјави дека на средбата се разговарало за деескалација на ситуацијата и напредок во дијалогот меѓу Косово и Србија.

„Многу корисен состанок со првиот заменик советник за национална безбедност на САД, Џон Фајнер и вишиот директор за Европа Аманда Слот за ситуацијата во северно Косово, чекорите потребни за деескалација и напредок во дијалогот поддржан од ЕУ“, рече Лајчак.

Во врска со средбата со американскиот претставник за Западен Балкан, Габриел Ескобар, Лајчак истакна дека размениле оценки за состојбите во регионот и заедничките напори.

Тој им се заблагодари на САД за блиската соработка и силната поддршка.

Very useful meeting with 🇺🇸 Principal Deputy National Security Adviser Jon Finer and Senior Director for Europe Amanda Sloat on the situation in the north of Kosovo, steps needed for de-escalation and the way forward in the 🇪🇺-facilitated Dialogue.

— Miroslav Lajčák (@MiroslavLajcak) June 21, 2023