Куп на Италија: Милан ремизираше против Јувентус! (ВИДЕО)
„Росонерите“ пропуштија убава можност да триумфираат против „Старата дама“, а освен тоа на реваншот во Торино ќе играат без Ибрахимовиќ.
Во првиот натпревар од полуфиналето во фудбалскиот Куп на Италија ремизираа екипите на Милан и Јувентус со резултат 1:1.
Немаше голови после првото полувреме на „Сан Сиро“ во Милано, а во 30. минута жолт картон доби Златан Ибрахимовиќ и на тој начин нема да може да им помогне на „росонерите“ на возвратната пресметка.
Rebic score for Milan
Juventus defence is atrocious pic.twitter.com/HkfKsZoMkf— Sami ?? (@SamiZaiiin) February 13, 2020
Швеѓанецот не се запиша во листата на стрелците, но затоа за водство на домаќините во 61. минута после асистенцијата на Кастиљехо се погрижи хрватскиот интернационалец Ребиќ.
Во 72. минута Хернандез во тимот на Милан поради втор жолт картон на дуелот мораше предвреме да го напушти теренот.
„Старата дама“ беше многу блиску да си замине од ова гостување со пораз, но тоа не го дозволи во самиот финиш. Во судиското надополнување (90+1`) со рака во казнетиот простор играше Калабриа кој го спречи Роналдо да постигне гол со ножички, но затоа Португалецот беше сигурен од белата точка за поставување на конечниот епилог.
GOOOOOOOAL Ronaldo ? ?
That is his 11th goal in the last 7 matches.
? ??#MilanJuventus #MilanJuve— Top Videos (@Top5Vid) February 13, 2020
Реванш мечот во Торино ќе се одигра на 4. март, а еден подоцна Наполи на „Сан Паоло“ ќе го пречека миланскиот Интер.
Потсетување дека во средата „наполитанците“ и македонскиот репрезентативец Елиф Елмас како гости во првите 90 минути на „Џузепе Меаца“ триумфираа против Интер (0:1).