Неколку лица се ранети во напад во средно училиште во Германија, пренесуваат германските медиуми. Полицијата соопшти дека осомничен напаѓач е уапсен, објави „Билд“.

„Осомничениот напаѓач е уапсен“, објави полицијата во објава на „X“.

Derzeit ist uns bekannt, dass mehrere Personen am Welfen-Gymnasium verletzt wurden.
Ein mutmaßlicher Täter wurde festgenommen.
Um wie viele Personen und die Schwere der Verletzungen es sich handelt, wird aktuell abgeklärt.
Bitte meiden Sie den Bereich weiterhin.#sog0807 pic.twitter.com/JWRdY7DIm6

— PolizeiOberbayernSüd (@polizeiOBS) July 8, 2026

Првично беше кажано дека четири лица се ранети, но официјалниот број на повредени сè уште не е познат. Според германскиот „Билд“, неколку лица имаат сериозни повреди. Се верува дека некои жртви имаат убодни рани. Сè уште не е познато дали се повредени ученици или наставници.

Повеќе од 15 полициски возила пристигнаа пред средното училиште Велфен во Шенгау, југозападно од Минхен.

„Не можеме да ја исклучиме можноста за пукање во училиштето“ – изјави портпаролот на полицијата.

Осомничениот се обидел да избега по нападот, но набрзо бил уапсен. Хеликоптер бил вклучен во интервенцијата на полицијата и тој брзо го лоцирал.

Полициските службеници ги повикаа луѓето да ја избегнуваат областа поради нападот во училиштето. Засега не е познат мотивот за нападот.

Шогау е мал град на бреговите на реката Лех во западниот дел од Горна Баварија, со население од малку повеќе од 12.000 жители, пишува „Блид“.