На првиот натпревар на меѓународниот „Кроација куп“ денеска во Пореч македонската сениорска репрезентација загуби од Хрватска со 40:34. По првото полувреме „коцкестите“ имаа предност од „плус три“, односно 22:19.

Водевме на почетокот со 1:0, и 2:1 по голот на Пешевски во третата минута, а потоа Хрватите се вратија со серија за 5:2 на семафорот. Ја вративме неизвесноста во 17 минута кога намаливме на 11:10, а стигнавме и до нерешени 15:15 откако гол запиша Манасков. Хрватите стапија повторно на сцена, одново се одвоија на разлика од „плус три“.

Не успеавме да се вратиме повторно резултатски во вториот дел, домаќините одржуваа разлика, успеавме да намаливме преку Кузмановски за 29:25. Одбраната не се покажа како најдобра на овој меч, тоа го искористи противникот кој на 10 минути до крајот се погрижи за води и со плус седум (34:27).

Во нашите редови Манасков беше најефикасен со девет голови, следен од Кузмановски со седум, а на спротивната страна Мартиновиќ имаше осум погодоци.

Избраниците на селекторот Кирил Лазаров утре (сабота) од 20.15 часот на турнирот ќе играат против селекцијата на Израел. Нашите најдобри ракометари се подготвуваат за настапот на Светското првенство во Полска и Шведска кое ќе стартува нa 11 јануари.