Кремљ денес соопшти дека целите што ги поставил во војната во Украина не се „постигнати“ и дека „специјалната воена операција“ ќе продолжи сè додека не се постигнат, четири години по почетокот на руската офанзива од големи размери, пренесува Њузвик.

„Целите сè уште не се постигнати и затоа специјалната воена операција продолжува“, изјави портпаролот на рускиот претседател Дмитриј Песков за време на редовниот брифинг со новинарите, одговарајќи на прашање од агенцијата Франс-прес.

Песков реагираше на изјавите на украинскиот претседател Володимир Зеленски дека Русија „не ги постигнала целите“ на војната.

Песков, сепак, рече дека „многу“ од целите на Кремљ се постигнати, појаснувајќи дека „главната цел“ на Москва е да ја обезбеди „безбедноста на луѓето“ што живеат во Источна Украина.

ВИДЕО | Зеленски на четиригодишнината од почетокот на војната во Украина: Путин не ги постигна своите цели