Ковид модуларната болница во Кавадарци за брзо ќе биде изградена

Kовид модуларната болница во Кавадарци ќе биде изградена за брзо, соопшти денеска кавадаречкиот градоначалник Митко Јанчев.

Тој информираше оти Општината зела обврска да го изгради платото, водоводната и канализациската мрежа,,електроснабдувањето на ковид болницата. Дополнително, преземала  и обврска за централизирање на кислородната станица, нешто што ќе биде овозможено  со приватниот сектор.

Јанчев соопшти дека ковид модуларната болница ќе има 35 легла.

– Во иднина, кога ќе се нормализира целата ситуација, тоа ќе биде инфективно одделение при болницата, додаде градоначалникот.

Тој ги повика општините од регионот да не заборават дека болницата во Кавадарци е регионална, па и тие да земат учество во активностите.

Видео на денот