Ковид-19 „гази“ во Русија: Повисоките одделенија во училиштата во Москва на онлајн настава во наредните две недели
Властите на Москва денеска соопштија дека голем број на ученици од понеделник ќе преминат на онлајн настава со цел да се спречи ширењето на коронавирусот. Со мерката се опфатени ученици од шесто до 11 одделение и ќе биде во сила во наредните две недели, објави градоначалникот на Москва, Сергеј Собјанин.
Учениците од прво до петто одделение ќе се вратат на училиште кога повисоките одделенија ќе преминат на онлајн часови.
Учениците од повисоките одделенија ќе следат часови онлајн, затоа што меѓу нив се појавуваат најмногу новозаразени, рече Собјанин.
– Одлуките што ги донесовме денеска не се лесни, но тие се едноставно неопходни имајќи ја предвид епидемиолошката состојба и потребата учениците да добијат квалитетно образование, рече градоначалникот на Москва.
Во Русија од почетокот на пандемијата има вкупно 1.326.178 милиони заразени лица од кои 339.431 во Москва.