Премиерот Димитар Ковачевски денеска најави дека доколку ја добијат честа да ја водат Владата, во следниот мандат ќе спроведат процес на ветинг и тоа не само на именувани и избрани функционери – од премиерот до министрите, па се до царина, судови и обвинителства.

Одговарајќи на новинарско прашање на денешната прес-коференција, Ковачевски посочи дека еднаш имале обид да спроведат ветинг, но биле спречени од ЕУ.

Во нашата држава Владата сакаше да го спроведе, но беше спречена од ЕУ, не знам од кои причини. Меѓутоа нема кој да го спречи тој процес на наредните избори кога повторно ќе ја добиеме честа да ја водиме владата, и во тој процес точно ќе може да се идентификува кој е за унапредување, кој е за доусовршување, а кој не може да извршува одредена фукнција и при тоа ќе бидат опфатени сите, а не само да го имате премиерот и министрите секој ден на телевизија, и секој ден да се гледаат нивните анкетни листови, туку треба да се гледаат на сите – од царина, до судови и обвинителства.

Според него, факт е дека граѓаните точно знаат да лоцираат што точно треба да се поправи во државата, но исто така, вели, факт е дека и Владата работи на поправање на поправање и унапредување на областите што се важни за граѓаните.

ВИДЕО ИНТЕРВЈУ | Ковачевски: Сметам дека е потребен ветинг за сите избрани и именувани фунционери, вклучително и судиите и обвинителите, без разлика дали ЕУ е за тоа